Иске Чаллы авылы мәдәният йортында истәлекле датага – Бөек Ватан сугышында Җиңүнең 80 еллыгына багышланган «Бөек елларга баш иябез» исемле өлкәннәр иҗаты фестивале узды. Анда Иске Чаллы,Алпар,Иске Камка, Үргәгар авыл җирлекләре һәм Түбән Биктимер авыл клубы катнашты. Һәр чыгыш тирән мәгънә һәм патриотлык белән тулы иде. Артистлар сугыш еллары җырларын ,биюләрен хөрмәт белән башкардылар, тамашачыларны үзләренең сугыш аша үткән туганнарын һәм якыннарын искә төшерергә мәҗбүр иттеләр. Фестиваль Бөек Ватан сугышы турындагы хәтернең кешеләр йөрәгендә яшәвен һәм буыннан-буынга тапшырылуын күрсәтте.
