Югары Әлки авыл клубында борынгы әйберләр бүлмәсендә экскурсия узды. Бер бүлмәгә җыйнак кына җыелган борынгы экспонатлар-өй кирәк-яраклары, туку, чигү үрнәкләре, шулай ук төрле хуҗалык максатларында кулланыла торган эш кораллары: рубель, ухват, кисәү, агач һәм чуен савыт-саба, көянтә, чыбыркы. Килгән кунаклар бик шәп, безнең борынгы бүлмәдә барлык экспонатларны тотып, исләренә төшереп алдылар.
Әлеге экспозиция – авыл тарихының бер чагылышы, халыкның көнкүреше, гореф-гадәтләре турында сөйләүче тере шаһит. Һәрбер әйбернең үз тарихы, үз язмышы бар. Аларны саклау, киләчәк буыннарга тапшыру – безнең изге бурычыбыз.
Клуб хезмәткәрләре бу эшне зур җаваплылык белән башкара. Алар экспонатларны җыю, саклау, реставрацияләү белән генә чикләнмичә, әлеге байлыкны халыкка җиткерү өстендә дә эшлиләр. Экскурсияләр, тематик кичәләр, мастер-класслар оештырыла, авыл тарихына багышланган күргәзмәләр ясала.
Борынгы әйберләр бүлмәсе – ул тарих белән бүгенге көнне тоташтыручы күпер. Ул яшь буынны үз халкының үткәне белән таныштыра, милли горурлык хисләре тәрбияли. Киләчәктә дә бу эш дәвам итәр, яңа экспонатлар белән баетылыр дигән өметтә калабыз.
