Бүген Әлки районы мәдәният йортында «Татар кызы. Татар егете-2025» бәйгесе узды. Бәйге татар халкының милли мәдәниятен, гореф-гадәтләрен һәм телен яңадан торгызуга, саклауга һәм үстерүгә, рухи мирасны яшь буын вәкилләренә тапшыруга юнәлдерелгән. Бәйгедә чын татар кызы, татар егетенең иң яхшы сыйфатларын ачарга мөмкинлек бирүче иҗади биремнәре аз түгел иде. Катнашучыларның осталыгын, татар телендә аралашу күнекмәләрен, татар йолаларын һәм гореф-гадәтләрен, татар халкының тарихын, мәдәниятен белүләрен компетентлы жюри бәяләде.
