Бүген Балык Бистәсендә республика күләмендә үткәрелгән фестивальдә «Бистә шәлендә» Әлки районында «Зиләйлүк» фольклор ансамбле чыгыш ясады.
Зиләйлүк» ансамбленең моңлы тавышлары, милли киемнәре, һәм сәхнәдәге ихласлыклары тамашачыларны әсир итте. Һәрбер җыр, һәрбер хәрәкәт халкыбызның бай тарихын, гореф-гадәтләрен сөйләде. Әлки районы данын республика күләмендә таныту — зур мәртәбә.
Фестивальдә катнашучылар арасында көчле көндәшлек булуга карамастан, «Зиләйлүк» үзенең уникальлеге белән аерылып торды. Аларның чыгышыннан соң тамашачылар озак алкышладылар, ә жюри әгъзалары ансамбльнең осталыгын югары бәяләделәр. Бу җиңү Әлки районы мәдәнияте өчен зур әһәмияткә ия.
«Зиләйлүк» фольклор ансамбле алга таба да үзенең иҗатын дәвам итәчәк, яңадан-яңа җырлар, биюләр иҗат итеп, тамашачыларны шатландырачак. Аларның тырышлыгы, сәнгатькә бирелгәнлеге халкыбызның рухи байлыгын саклауга зур өлеш кертә. Бу фестиваль «Зиләйлүк» өчен яңа үрләр яулауга этәргеч булсын.
