Югары Әлморза авылы мәдәният йортында «Сәламәт тәндә- сәламәт акыл» балалар өчен кызыклы старт ярышлары үткәрделәр.
«Күңелле стартлар» кызыклы эстафеталар һәм конкурслардан торды. Балалар тизлек, җитезлек һәм көч сынаштылар. Командалар бердәм булып, җиңүгә омтылдылар. Әлеге чара балаларда сәламәт яшәү рәвешенә кызыксыну уяту, спортка мәхәббәт тәрбияләү һәм коллективта эшли белү күнекмәләрен үстерү максатыннан оештырылды. Мәдәният йорты хезмәткәрләре алга таба да балалар өчен шундый ук кызыклы һәм файдалы чаралар үткәрергә планлаштыралар.
