Бибай Чаллысы авылы клубы янында оештырылган әлеге чарабыз безне тагын да якынайтты, бер-беребезгә карата җылы мөнәсәбәт хисләрен арттырды. Чәй табыны артында җыелып, халкыбызның гореф-гадәтләре, йолалары искә төшерелде, җырлар җырланды, уеннар уйналды.
Чәй – татар өстәленең бизәге генә түгел, ә җан азыгы да. Аның хуш исе, тәмлелеге күңелләрне иркәли, йөрәкләрне җылыта. Элек-электән татар халкы кунакчыллыгы белән дан тоткан. Һәр өйдә кунакны чәй белән сыйлау – иң зур хөрмәт билгесе саналган. Чәй табыны артында иң әһәмиятле мәсьәләләр хәл ителгән, иң якын дуслар белән серләр бүлешелгән.
Бүгенге көндә дә чәй эчү традициясе үзенең әһәмиятен югалтмады. Киресенчә, замана таләпләренә яраклашып, яңа формалар алды. Чәй өстәле – ул аралашу, күңел ачу, рухи баю урыны. Бибай Чаллысы авылында оештырылган “Чәй мәҗлесе” дә шуны күрсәтте. Әлеге чара барышында катнашучылар бергәләшеп чәй эчеп, тәмле ризыклардан авыз иттеләр, күңелле әңгәмә кордылар.
Мондый чаралар авыл халкы өчен бик мөһим. Алар бер-берең белән аралашырга, яңа дуслар табарга, күңелне күтәрергә ярдәм итә. Киләчәктә дә Бибай Чаллысы авылы клубында шундый ук күңелле, файдалы чаралар оештырылыр дип ышанабыз. Чөнки халык бердәмлеге, гореф-гадәтләрне саклау – безнең киләчәгебезнең нигезе.
